صلة رحِم بقلم أحمد شاهين

 صلة رحِم بقلم أحمد شاهين

فى لهجه غريبه بنقولها

ما بتجّمعش بتفّرق

فى جُمله وأصّل مضمونها

مراكب القُرب بتغّرق

فى صيغه بتقطّع الأرحام

وقاضى وحُكمه بالإعدام

وناس تِهرى فى أى كلام

وناس بالفِطره بتصّدق

عقول الناس بقِت فاضيه

وناس بالعِيشه مش راضيه

وكُله يبُص للتانى

وأخ وعادى يقتل أخوه

وإبن وعادى يطرد أبوه

واغلبنا بقى انانى

لا دين لا شريعه لا مبدأ

فى لهجه غريبه بنقولها

ما بتجّمعش بِتفّرق

نشوف ع الشاشه

حكايات ناس

وخلّق عديمة الإحساس

وقطّع الجيره والأرحام

وابطال من ورق عايشين

وأطفالنا يقلدوا مين

مفيش غير أقذّر الأفلام

ومُنتج غرضه يستّرزّق

فى لهجه غريبه بنقولها

ما بتجمعّش بتفّرق

بِعدنا عن كِتاب الله

وفيه منهج لأحلى حياه

وبيوصيّنا بالوالدين

وحتى البِر بدلناه

بقسوه وغِل يا ولِداه

ولا يِفرق معانا الدين

ومن غيرُه الجميع يِغرّق

فى لهجه غريبه بنقولها

ما

بتجمّعش

بتفّرق

كلمات أحمد شاهين

عرض الرؤى

معدل وصول المنشور: ١١

كل التفاعلات:

١١