مجلة نداء الرؤح لفرسان الكلمات

 بيتنّا النىّ بقلم أحمد شاهين

فى بيتنّا النّى

كنت بجّد إنسان حىّ

فى بيتنّا النّى

فى بيت فيه الدفّا

والحُب

وبيت بيساع قريب أو

غُرب

وكان بيشِع منه الضىّ

فى بيتنّا النىّ

وكان سقفّه خشبّ

وعروق

وجُدرانه ملانه شقوق

وقشّ بيملا سطحه فوق

وحوض ميّه بيسقى

الحىّ

فى بيتنّا النىّ

سرير واحد بيجمعّنا

ولمبة جاز على مُسمار

وحُضن الأُم بيسعنّا

وأبويا كان عامود الدار

ونستنى فى بُكره الجاى

فى بيتنّا النىّ

بقينا نلاعب الكتاكيت

وبنربى الحِوان فى البيت

وخيره كان بيملا مُحيط

وكان البيت دا ماله زىّ

فى بيتنّا النىّ

لا نور لا بلاط ولا شاشه

كتيِرنا شاكوش وكماشه

وأبرة خيط على قُماشه

وكُنا بجّد أه عايشين

أقارِن بُكره بإمبارح

ألاقى الفرق شئ واضح

دا كان الخير كتير طارح

ودلوقتى نجيبه منين

وإمبارح أكيد مش جىّ

فى

بيتنّا

النىّ

كلمات أحمد شاهين

عرض الرؤى

معدل وصول المنشور: ١٦

كل التفاعلات:

٢أحمد محمد أحمد شاهين وشخص آخر