(حكم فاسد)

 (حكم فاسد)

أحزاب وكتل دمرو لعراقي

وشتترجه بعد من حاكم وفاسد

وكلها التحچي بهل يوم وطالب

وتحچي اباسم الله

وصاير العابد

وشباب انباع بالدولار

للاحزاب

لوذيچ الکتل من واحد الواحد

اواحد صبح ضد الثاني يتربص

وصارت طائفيه

ومنهم الشاهد

حكومه وفاسده والبيها نشاله

واتشوفه تعمم عابد وزاهد

واليدرس الحوزه اتخرج ابسنتين

واتعلم فقه واليعقد

ابوارد

زواج أتريد وك يعقدلك ادلل

ومكاتب عدهم وعد ساده تتعاقد

والمالاحگ ايسوونه

عمره چبير

ومحاكم هالبلد متروكه للگاعد

بس ذاك الطلاق

اوقاتل ومقتول

وحاكمنه ارتشه من ناهب وحاقد

والذاك الخمس لو

من زكاة ايكون

مكاتبهم امفتحه

بعين كل حاسد

واليكتل طلع ولاينسجن مكشوف

دفع رشوه الگيته

وحصل اشقاصد

ومال العام تدري الينهب هاليوم

الرواتب هالحكومه

وانته هالبارد

وما تحچي أعلى حقك

وانوخذ مسلوب

من الحاكم حرامي الچان الك شارد

وصار اسنين صدگ

والحكم ظالم

وناس اتجوع عدنه

وصارت اتجاهد

عليمن بعد گلي وليش انته اتموت

وهمه أعلى الكراسي

ابسدك الابد

وخاتل بيه تحسه

وقشمرك ياخوي

لو ينطي فتاوي

ايخدر الراكد

والراكد يريد ايعيش أطفاله

ابابره ايبنگك ويخدرك

جامد

ويلهيك لمن تطلع اتهوس

مدري التبچي انته اوتضحك اوصامد

وتشوف الكتل من عدهم بعينك

ويبقى الجهل بيك

وهذا اهو الرايد

بلد وتفلش ولابعد

خير البيه

مادام العميل اليحكم

اوصاعد

على ذيچ الکراسي

والاحزاب اهواي

ومنهم طائفيه ابكتل

تتواجد

واحزاب اوكتل دمرو لعراقي

وشتترجه بعد من حاكم اوفاسد

شعر عارف شلش

الساعدي

العراق بغداد

٢٢

١٢ مشاركة

أعجبني

تعليق

مشاركة