مجلة نداء الرؤح لفرسان الكلمات

 أمى بقلم أحمد شاهين

أمى كانت لما تخبِز

عيشّها كان له شكل تانى

عيشّها يبقى لسه صابِح

ريحته حِلوه مدوبانى

كُنت بفّرح لما أشوفه

كان يهفهف ع الصوانى

عيشها كان يدينى زقّه

كنت أقول لليأس لأه

وتتولّد فيا الأمانى

كنت أفطر من إيديها

حتتين جبنه قريش

كُنت أكبّر وف عينيها

دنيا تانيه تقولِى عِيش

والله يا مهّ الدنيا بعدِك

دُنيا فانيه ما تساويش

كات تجيبِلى صحّن فول

ويا بصّله أدشهّا

عود سريس م الرخيص

فقشّه بيضتين أوبهه

قّرص طعميه وقوطه

ويا ضِحكه مِنها

أمى كات م الفجر تِصحا

كات بتملا الدنيا فرحه

كُنت أشوفها أرض طارحه

والأمان كان حُضنها

أمى كانِت عشوائيه

كان كلامها بتلقائيه

أمى كانت نور عينيا

وأحلى جنّه فى قُربهّا

لسه فاكر نور عينيها

ويا بوسه فوق إيديها

وأى حاجه بتشتريها

كُنت أكُل قبلها

أمى راحت فجأه منى

أمى ماتت غصّب عنى

أمى مش قادر أغنى

ولا حتى عايش بعدها

ولا

حتى

عايش

بعدها

كلمات. أحمد شاهين

عرض الرؤى

معدل وصول المنشور: ١٦

كل التفاعلات:

١ارق ملاك