====- ياريت نمسح تواريخ البعاد ******************************************************

 ====- ياريت نمسح تواريخ البعاد

******************************************************

ياريت نمسح م الزمن تواريخ البعاد

ونتواعد

ونتقابل من غير ميعاد

وننسى احوالنا وظروف خانقة مواعيدنا

نمحى مسافات وسنوات

ونخطى على العناد

مش كل الامانى وداد

ولا كل دار دارنا

ولا كل ايد بتودنا هى احلامنا

(يا قلب كان ملاك

فين القى زى هواك

يغطى احزانى

فين القى طهر ربانى

ضمد سنينى وربانى)

يا ساكنة فى كل نسمة

وفى كل وجدانى

صعب احكى بالحروف وصفك

باهرب كتير م الناس

واجرى اشوف صفك

يا عاشقة ظل الشجر

يحكى لنا ماضى وهجر

قلبك جناين امل

تنعش قلوب الكل

نزرع املنا حَب

نطحن ونعجن حُب

الغربة قدر

ريح تشدك لارض من غير مطر

منجل يحش عودك

وقلبه حجر

ياليل بتلم كل العاشقين

جن علينا وابعت قمر

===========محمد عبدالمقصود داود

عرض الرؤى

معدل وصول المنشور: ٣

كل التفاعلات:

١ارق ملاك