ريِّح دماغك ماتفكرش

 ريِّح دماغك ماتفكرش

وسيبها دايماً ع الخالق

عشان دمك مايتعكرش

تفكيرنا عمره ماكان فارق

لو حتى مُرّك ماتسكرش

هتحلى يوم وتكون رايق

باب المحبه مايتسكرش

لا تقول كرهت ومش طايق

اوعى الإهانة وماتحقرش

من شأن ناس لو مضايق

رد الجميل ومتتأخرش

على حد ساعدك في دقايق

خليك بشوش وماتتكدرش

ده الحزن من عمرنا سارق

هيعدي عمرك وماتشعرش

وفي الهموم هتكوق غارق

ده الفرح عمره مايتقدرش

لابمال قارون ولا بسبايك

منهيه هيه لرب العرش

مساويها الخالق الباريء

بقلمي/ خالد جمال٢١/٢/٢٠٢٤

عرض الرؤى

معدل وصول المنشور: ١٦

كل التفاعلات:

٣ارق ملاك وشخصان آخران