بتحلى السكر بقلمي/ خالد جمال ٢١/٢/٢٠٢٤

 بتحلى السكر

ياللي إنت نعمه من الرحمن

ياللي الفؤاد فيك بيفكر

ياللي إنت خير على كل لسان

كل القلوب فيك بتشكَّر

ياللي إنت سيل من بحر حنان

والسيل ده عمره ما يتعكر

دانا مهما شفت عيون الوان

عمري لعنيك يوم ماتنكر

ومهما شفت قوام فتان

لو حتى ماشي بيتمخطر

ازاي راح انسى انا غصن البان

ده محال يا عمري ف يوم هقدر

ومهما كان لزهور فَوَحان

ع الخد بتميل وتنور

دانا عندي خد عليه بستان

ف الحسن سبحان مين صور

يابو دم خفه مالوهشي مثال

يابو روح كمان شهد مكرر

ياللي إنت بتداوي الولهان

باللي انت بتحلي السكر

مقفول عليك قلبي ورضيان

ولحد غيرك متسكر

دانا مهما عدى عليا وفات

من يوم ليوم عشقك يكبر

ولا يوم لغيرك حضني يبات

ومحال هيأسى عليك يا اسمر

لو قلت قلبي ده فيك عشقان

ترد روحي انا فيه اكتر

بتحلى السكر

بقلمي/ خالد جمال ٢١/٢/٢٠٢٤

عرض الرؤى

معدل وصول المنشور: ٢٥

كل التفاعلات:

٢ارق ملاك وشخص آخر