وحشتيني

 وحشتيني

تصدقي بالله

انك فعلا وحشتيني

هوا انا ما وحشتكيش

طب ليه في منامي

ما بتجبني

هوا انتي حبيتي الموت

اكتر. مني

علشان تروحي معاه

وتسيبيني

طيب لو خيروكي

اجيلك أو تجيني

لو حتي يوم واحد تعاليلي

اصلك بجد وحشتيني

طيب حتي ساعة في منامي

اوعديني

تجيني اليوم بقنديلك

وقنديلك يعني عيونك

تنور لي لياليه

وشدي النور من العتمة

اللي صابتني بعد مماتك

وحشني صوتك وحنانك

وحشني كل تفاصيلك

حتي ضفايرك وحشتني

وحشني ريحة انفاسك

وحشني رقة احساسك

وحشني كل شئ فيكي

وغمزة عيونك وحشتني

وشفايف الورد اللي خطفتني

وحشتني

كلك علي بعضك وحشتيني

حتي رخامتك وحشتني

بردوا كان فيها حنية

صورتك جوايا ياحبيبتي

لكن الأصل غير الصورة

ذكراكي جوايا محفورة

لكن بجد. تعبت خلاص

يا اجيلك يا تجيني

والله. ياحبيبتي

وحشتيني

بقلم

احمد محمود

من ديوان سكة العاشقين

عرض الرؤى

معدل وصول المنشور: ٣٦

كل التفاعلات:

٣ارق ملاك وشخصان آخران

٤ تعليقات

أعجبني

تعليق

إرسال