بسمع وانا مدمع
بتقوللي ابعد يابن الناس
ده قدرنا نتفرق
إيه بس خدنا من الاحساس
طول عمرنا بنعشق
ايه اللي نابنا من الإخلاص
والحق والمبدأ
غير بس وجع الروح والراس
وسنين فينا بتسرق
داحنا ف زمن المال فيه اساس
والقرش فيه بيفرِق
زمن العواطف ولَّى خلاص
ولا عمره راح يرجع
رديت وانا كاتم الانفاس
مانا كنت ليه بسمع
سبقت دموعي ردودي يا ناس
ما قدرت ليها امنع
ده كلامه طلقه وجت ف الراس
بتصيب كده وتصرِع
ويا ريتها كانت طلقه رصاص
دي كت دانة مدفع
كان عشقي عنده وقلبي رخاص
كان بس ليه بيخدع
هانت عليه أحلامي خلاص
ولا حتى شوق يشفع
فوق المشاعر خطى وداس
ولا لوم معاه ينفع
ده مسيره يندم ع الاحساس
على قلب ليه اخلص
يشرب مرار من نفس الكاس
وجراحه فيه توجع
بسمع وانا مدمع
بقلمي/ خالد جمال ٢٢/٢/٢٠٢٤
ليست هناك تعليقات:
إرسال تعليق