أميرة

 أميرة

ماقدرش أداري الحقيقة

دي عيونه حلوه وجريئة

والضحكه صافيه وبريئة

خدني هواه بالطريقة

ف ايديه ماخدتش دقيقة

قادت ف قلبي الحريقة

في ثواني خد قلبي مني

خد روحي خد عين ونني

يا ناس ده مجرم خاطفني

يا هوه ده سارق سريقه

يا اميره حسنك ما اروعه

وانا قلبي مش حِملك

لا قدرت احوشه ولا امنعه

ده يا ريتني كنت املِك

على عرش قلبي متربعه

والله ما بجاملك

كان قلبي نايم في صومعه

طوالي راح قاملِك

كانت عيونه مدمعه

في ثواني ابتسملك

لقى فيكي كل اللي اتمناه

وبعطفه بقى شملك

بغصن بان وبعود جنان

متمتعه

والسحر كله اتقسملك

سبحانه من سوى حسنه

وابدعه

عوده صب ومدملك

من كل باهي

وجمال الهي متجمعه

كل الدلال واصلك

بلولي وياقوت

وببنكنوت مترصعه

ده الغالي يرخصلك

ما في حد غيره

يملى عيني ياخد حنيني

ولا كل الحرملِك

عاش حبي ليكي

مدى الحياه

وسنين كتير داملك

بقلمي/ خالد جمال ١١/٢/٢٠٢٤

عرض الرؤى

معدل وصول المنشور: ١٧

كل التفاعلات:

٣ارق ملاك وشخصان آخران

٦ تعليقات

أعجبني

تعليق

إرسال