صاروخ

 صاروخ

جماله

راكب طياره نفّاثه

وحسنه صاروخ

دلاله

عاوزله مذاكره ودراسه

بشوفه بدوخ

قصاده

بلاقي ردودي محتاسه

وابان ملبوخ

عيونه رصاصه قنَّاصه

تصيب في نافوخ

تولّع فيك بميت فازه

وكام شمروخ

رموشها دي زي الماظه

وبتشرَّخ ف قلبي شروخ

دي بلطية وكمان طازه

دي رنجايه وفيها بطروخ

شفايفه كريمه وكريزه

قطع مانجه ودايبه ف خوخ

ليه عنده يا ناس ماليش عازه

وعندي الروح ثبات ورسوخ

على استعداد ابيع نفسي واترازى

ولو وياه هعيشها ف كوخ

إليها الروح دي منحازه

عشان ف الحسن استاذه

عيون للعقل اخّاذه

خدود شرباتها ف ازازه

لا انا ببالغ ولا بجامل

وبمسح جوخ

بجدصاروخ

بقلمي/ خالد جمال ١١/٢/٢٠٢٤

عرض الرؤى

معدل وصول المنشور: ١١٩

كل التفاعلات:

٤٤