ابعد يا انا
ابعد عن كل الناس
ابعد
من غير مايكون للبعد أساس
ابعد عن اللي على قلبي داس
***
ابعد عن القريب و الغريب
انسى ان لك في الدنيا حبيب
طبطب على نفسك
ايدك هتشفي الجرح من غير طبيب
ابعد و ارضى بالقسمة و النصيب
***
ابعد عن كل نظرة غدر
او نظرة زايغة مفعمه بالمكر
او بسمة زيف بطعم الهجر
او كلمة تحجب نور البدر
***
ابعد عن كل البني ادمين
اللي بينهشوا جسد السنين
الطيبين بينهم غثاء
كمالة عدد مش محسوبين
ايد تطبطب وايد
و ايد تسقيك الأنين
***
قلوبهم أقسى من الوحوش
على الضعيف ما يرحموش
و مع القوي ما يرمشوش
و خصوصا أصحاب المال
و أصحاب الكروش
ابعد ياانا
عن كل الوشوش
(((أسامه جديانه)))
ليست هناك تعليقات:
إرسال تعليق