الثلاثاء، 16 يناير 2024

عدى الوقت

 عدى الوقت

بعد ما عدى الوقت وفات
بعد ما روحي سكنها اهات
بعد الشوق ف القلب ما مات
دمع العين بقى ملو كاسات
نبض القلب اتملى انات
جاي وراجع ليه دلوقت
كنت بقول على حبك قدري
كنت معاك وواهبلك عمري
نجم سماك وعيونك قمري
كنت الضي ف ليلي وسهري
كنت مسلم للشوق امري
وأنت بتخدع طول الوقت
مهما هتفضل كده تتكلم
مهما هتشكي او تتظلم
عمري ما هرجع ليك واسلم
عايشه الروح فيا بتتألم
جرحك لسه ف قلبي معلم
بس خلاص م الماضي اتعلم
ايوه خلاص م الوهم انا فقت
راجع بعد ما زمنك كسرَك
بعد ما ندمك جواك اسرَك
بعد ما عشت الحزن محاصرك
جاي وفاكرني هموت على وصلك
لو محتاجني بجد اسامحك
رجع تاني ما بينا الوقت
هات ايامي اللي انت سرقت
عدى الوقت
بقلمي/ خالد جمال ١٦/١/٢٠٢٤
قد تكون صورة ‏‏شخصين‏ و‏أشخاص يبتسمون‏‏
كل التفاعلات:
Mustafa Çetın وشخص آخر

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...