الأهلي
الأهلي ده حدوته عظيمه وحكايه كبيرة
لما نحكيها الكل ينبهر بحسن السيره
واحنا نحتار نبدأ منين ده له تاريخ وأمجاد كتيره
من يوم تأسيسه والشهره والبطولات له اثيره
بالأدب والاحترام مشهور بجمال المضمون والصوره
بطولاته دوري وكاس وسوبر داخل المعموره
أما بطولات القاره نادينا اسمه هو الاسطوره
وشهرته عالميه لعب في اليابان وبهرهم بظهوره
ومع كل انتصار رجاله سجدو لله وصلوا على رسوله
ونعم الرجال بأخلاقهم واسماءهم اللي في العالم مشهوره
لعيبه على مر الزمان بيهم الملاعب فخوره
وفرقه متنوعه سله وطايره ويد وهوكي مش بس كوره
ألقابه رنانه المارد والقلعه والشياطين الجسوره
ولا رؤساءه الله عليهم عمر لطفي وطلعت حرب وسعد زغلول
وسلسه كبيره من البشوات اسمهم وحده اسطوره
والبطل المحبوب صالح سليم أدى على أكمل وجه دوره
وحسن حمدي والبطل صاحب القدم الذهبيه بيبو
اللي أعمالهم وأمجادهم يسطرها التاريخ في سطوره
ويستمر النجاح اللي بيه كل الجماهير مسروره
الله عليك يا اهلي ويحميك من الغدر وشروره
ويفضل اسمك علم عالي وناسك بيك فخوره
وأخلاق ولادك معطره بالورد وعطوره
الأهلي الكل يحبه بإخلاص إدارته ولاعبيه وكمان جمهوره
ليست هناك تعليقات:
إرسال تعليق