مين
يشتري الحظ مني
وانا بنادي وغني
عمي يابياع الحظوظ
امانة عليك
كمية حلوة من البخت والسعد ياعنيا
معاك فلوس
اصل الحظ ثمنه غالي
لاوالله ياعم
فلوسي ماتكفيش
عشان اعيش سعيد
انا وبختي في دنيتي
لله ياعمي اديني شوية حظ هدية
يابني اللي مامعوش فلوس
مايلزموش حظوظ
اجري ياولدي جري الوحوش
غير رزق لن تحوش
ظلماني يادنيا ظلماني
سايباني من غير حظوظ
اعمل ايه اروح لمين
يجود عليا ببخت ابيض
يملا جيبي فلوس
عشان احوش الكتير من الحظوظ
جبر بخاطري بياع الحظوظ
واداني بس حظ واحد
وقال لي خود بالك منه
حافظ عليه
من فرحتي بحظي الوحيد
صرت اركض واعدي وانافرحان
وفجأة بصيت ولقيت الحظ ضاع مني
دورت عليه في كل حته
مالقيتوش
عمي يابتاع الحظوظ
الحظ ضاع مني
اعملك ايه يابني
انت مالكش في الطيب نصيب
الحظ هرب منك وقال يافكيك
سابني ومشي بحاله
وماسألش عليا بياع الحظوظ
عارف البديوي
ليست هناك تعليقات:
إرسال تعليق