//////++صحبتكم++//////
صحبتكم كتنور اطريقي
مصباح ياحبابي دوك الفقرة
باجوارحي من نومك فيقي
وانا من عشاق ديك حضرة
في ذكر ربي ياك انوالفو
من ا عماقهم راهم ادواو
ف جلوسهم حلاوة مايخالفو
ونسافرو جميع ياك بالنية
والحال ماشريناه مابعناه
اعطية الله ربانية
هدشي للي حبو وبغاه
ارفاقتهم ذكر العالي
وانا معاهم ما براني
ومعاهم يتهدن بالي
ربي لكريم لا تنساني
غرارة دنيا بلي فيها
يالطامع مادامت لغيرك
وانت للي تجمع ما ناسيها
غدة لاحاجة تبقى ليك
غدة ترحل وتخليها
وا حب ربي وخدم اعليه
فكر ف المحتاج راك تربح
حاجة ربي زربة تقضى
غير تعامل باللين وصفح
حاجة لغني بالسر تحضى
وا فيق من الغفلة مادايمة
ا رجع لله اسجد وركع
وا دنيا غادة كيف غيمة
كلشي راحلين لا لا تطمع
صحبتكم كتنور اطريقي
مصباح ياحبابي دوك الفقرة
باجوارحي من نومك فيقي
وانا من عشاق ديك حضرة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق