////////++عشقاتو الجنة++////////
ياللي مايعرف سر حقو
وانا للي قلبي زاد عشقو
علموني ناسي سر قدرو
في نطقي ياك يحلى دكرو
زيدو صليو عليه كاملين
مول رسالة زين الاخلاق
وحبيب المولى مول البوراق
حارو سيادي باش يوصفوه
والله حبابي ما نصفوه
ارسالتو حاجة ما تخفى
ديك الصافية الزايدة بوفى
وصلى وسلام على المكي
وعلى الهادي ونزيد نحكي
ربي العالي عالم بينا
بو القاسم سيدنا و نبينا
من حملو داك البوراق
ف الدنيا الواسعة له عشاق
صليو عليه نور المحشر
صليو عليه يامن احضر
وا صليو عليه يا حاضرين
وتفوزو برضاه ياك كاملين
فرحو فرحو يا عشاقو
يااهل الله يا ذواقو
راني سامع اسمو ف كل لسان
وللي خاصمو لابد يتهان
قرشي محرر الانسانية
هذي رسالتو نو رانية
والقلب لحنين جد الحسنين
شافع فينا جميع يوم دين
لمديني مول قبة الخضرة
مول الطلعة زين النظرة
صليو عليه زيدو صلاتو
عشقاتو الجنة سعداتو
وسلامو كيريح انفوس
وصلاتو غدة سر وشموش
حبو ويحرك سر نفاسي
وحديثو شوق بين كل ناسي
بقلم صقر الحروف الزجال المحجوب بوسبولة
ليست هناك تعليقات:
إرسال تعليق