مجلة نداء الرؤح لفرسان الكلمات

 وتعيشى يا مصر. بقلم أحمد شاهين

حبة كراكيب

وورق يانصيب

من غير ترتيب

ماشيه الدنيا

وردود أفعال

بتاخودنا شمال

علشان المال

نجرى فى ثانيه

وضمير الناس

كلمه وخلاص

تِسمعها ف باص

أو يوم جمعه

بيقولها الشيخ

نِشبّع توبيخ

أهو دين وتاريخ

والناس سامعه

دٌنيتنا مرار

غِش التُجار

وغلاء أسعار

والناس شايطه

والشٌغل مفيش

وإزاى هنعِيش

ورغيف العيش

محتاج وسًطه

يا عيون بتشوف

ملايين وألوف

إعملوا معروف

فين الرحمه

مش طالبه خراب

ولا صوت إرهاب

ونزوء شباب

جوا الزحمه

وتعيشى يا مصر

عِشه أو قصر

من نصر لنصر

باقيه بلادى

عايشين راضين

أغنيا مساكين

دايما صابرين

وأهو دا العادى

كلمات أحمد شاهين

عرض الرؤى

معدل وصول المنشور: ٢٣

٢Ahmed Mohamed Ahmed Shahen وارق ملاك

تعليقان

أعجبني

تعليق

إرسال