حلة وغطاء

 حلة وغطاء

عايشين فى هنا

لا نار بتفرقهم

ولا برد يجمدهم

ساعات منسيين

وساعات ميعرفوش الراحة

حلة وغطاء

عايشين سواء

حلو ولا مر

ايام وبتعدى

غارت منهم الشوكة

اشتكت حتى للسكينة

اصلها نفوس مريضة

فجأة اتغيرت الأحوال

وكل يوم ينتهى بخناق

الحب بقى زى الدخان

حلة وغطاء

قعدوا يستغربوا

وصلنا لكده ازاى

كترت الاسئلة وفين الجواب

بهتت كل الالوان

مات الحلم ويا الامان

حلة وغطاء

عين الغدر فرقتهم

انتهى كل اللى بينهم

دموع ولا ندم

المسافة بعدت

الرجوع بقى مستحيل

حلة وغطاء

انتهت حكايتهم

ضاعت قيمتهم

ماتت ضحكتهم

اندفنت فرحتهم

اتنسوا وسط التراب

وكراكيب مالية المكان

انتصرت الشوكة

بصت حواليها

قالت يا ترى

الدور على مين

بقلمى / شريف القناوى

١٦١٦