==== بلاش احتكار ====
حلبة وقهوه وشاى
دول الفاكهة
لأي فقير
غاليين إزاى
مش طالبين تفاح
و عصير .....
الرحمة ياعم التاجر حبة
خلي عندك حبة تقدير
لما تغلي السلعة علينا
وتكسب فيها كتير وكتير
ربنا عمره مايبارك ليك
لما تداري السلعة شهور
وتقول بكرة الدنيا تولع
على كل الدنيا بشكل خطير
اوعى تفكر ربك ناسي
ربك عارف وليه تدبير
والدنيا ماشيه ....
والناس اهي عايشة
هوه وحده واهب الخير
أما انت يالي مفكر
إن قوت الناس على إيدك
تبقى أنت بجد ضرير
مالك مهما زاد ولا يسوى
الصحة قصاده أكتر بكتير
شوف من قبلك ناس احتكروا
راحوا فين سكنوا قبور
وسابوا الدنيا بحالها ومشيوا
والوعد عذاب ونار وسعير
إلحق نفسك وابعد عنها
وارضي بالمقسوم ياكبير
بقلمي
صلاح شعبان الفيداوي
القاهرة
١٠/١/٢٠٢٣
ليست هناك تعليقات:
إرسال تعليق