====================== اول ربيع ===

 ====================== اول ربيع ===

وكأنى بااتعرف على اول ربيع

وكأن الزهور لسه بتحبل بشىء بديع

وكأنى فى احضان عينيكى طفل رضيع

ميعرفش لحظة ميلاده الا لما لمس ايدك

وحس باول التكوين

وازاى من النبضة يتولد جنين

صوتك صحى احساسه البعيد

انا كنت مسلم نفسى لاى موج

واحزان الدنيا جت فوج ورا فوج

وكأنى باارمم شىء فى الصدر مشروخ

الحلم كان لسه بيصحى من نومه

يمشى على طراطيف شوقه

ويتمنى الخروج

يكتب عناوين مشيه ووقوفه

يشرح لكل شىء جوايا همه و ظروفه

يشرح للشجر والورود

عن سر حزنه وخوفه

كات لسه العيون بالحلم متعبيه

من امتى كان البعد فى الحب هو الاساس

من امتى كان سهل نقتل الاحساس

وانا روحى من يوم ما اتعلقت على نبض روحك

فرحت باالخلاص

اشوفك بعيد او قريب انت الونيس

انت الدليل ان الحياة جوانا ممكن تعيش

انت الغنا

وكل النغم جوايا ما يكفيش

انتى السؤال والجواب

انتى تفاسيرى

وخطوات سيرى

لكل فرح راح من ايدينا وغاب

وانتى اللى منتظر راجعته

عشان نفك خنقة الاغتراب

--------------------------------------------

عرض الرؤى

معدل وصول المنشور: ٨

كل التفاعلات:

١١