خلى الممات هادى

 خلى الممات هادى

#الشاعر_وليد_راغب

ياللى انت رشوا الملح

على جرحك الغاير

سال الوجع جواك

صبح الألم فاير

قالوا الأحبه سلام

سأل السبيل عابر

هل هما دريوا بيك

لما بكيت ساير

والا انتشوا بكبرهم

وقالوا دى مصاير

يا روح كما ساقيه

لفتها فى دواير

بتبات مع الأحزان

فى بير سحيق غاير

وبتصحى على رحله

مافيهاش نهار ناير

كل الأحبه فراق

والعشق بير باير

وعطشة المشتاق

صبحت كشئ عابر

قالوا الأحبه سلام

مسكت انا دمعى

لو كانوا حسوا سلام

ماكنش بان دمعى

واهو يوم يجر فى يوم

وجعى يزيد قربى

كما رعشة المحموم

رجفت حيطان قلبى

ما قالوا الأحبه سلام

وهجروا براح غُلبى

ياللى انت كما قشه

فى عشقها العاتى

إجرى أو اتمشى

هاتبان كشئ عادى

وخبى فى الاحاسيس

لو حتى مش راضى

ماتضمهاش مره

واخرس ولا تنادى

واما تقولك وداع

خلى الممات هادى

يا غصن ما بيطرحش

سوى كلام مجروح

طعمه كرش الملح

فى جرح بات مفتوح

ايه يعنى يفضل ليك

من روحك اما تروح

مستنى ليه تحبك

فى وقت مش مسموح

ماتروح تموت فى سكوت

والروح مابعدها روح

٥٥٥٥