* * *أنا... مصرى * * *
للشاعر /صابر الشناوي
أنا مصرى وليا الفخر
من خيرك أ نا إتربيت
في الخضره وعلى شمسك
ومن نيلك أنا إتوضيت
وصليت يا. أمي ودعيتلك
أيامك الجايه تكون أحلي
وفرحانه. بأولادك
أغنيلك والغنى يحلي
وبتعايق بموالك
وحطه في عيونك
ميتين كحله
وكايده يا غاليه عزالك
أ نا عاشقك
وزي كتير عاشقين
والكل نفسه ينول وصلك
أنا. جيشك. أنا. شعبك
أنا الملايين
وأنا البرهان على أصلك
لو حتى فيه خاينين
ولا يهمك ولا يهزوا
في يوم رسمك
أنا مصرى وليا الفخر
يا بلادي أشيل إسمك
ليست هناك تعليقات:
إرسال تعليق