( إبعدي عني ) :
إبعدي عني يا بنت الإيه
ليه عايزاني أحِبك ليه
قلبي حنَيِّن وبيتلكك
إبعدي عني يا بنت الإيه
قلبي فاضِلُّه يادوب تكايه
فبلاش تيجي وتجري ورايا
ليه تزودي همي واسايا
إبعدي عني الحه والبيه
إبعدي عني يا بنت الإيه
أنَا خلصت الحب زمان
كان حدوتة في خبر كان
أصبحت أنا طي النسيان
روحي لغيري ودُقِي عليه
إبعدي عني يا بنت الإيه
إبعدي عني الله يخليكي
انا مش حنفع ابدا ليكي
احسن مني كتير حواليكي
حبك انا ما اقدرش عليه
إبعدي عني يا بنت الإيه
أنا وحداني وسرى ف بيري
أنا سلمت راياتي لغيري
قبلك خلصوا عزي وخيري
ومفيش شيء تتسندي عليه
إبعدي عني يا بنت الإيه
إبعدي عني يا بنت الإيه
بقلمي الشاعر جمال زكي عينر
ليست هناك تعليقات:
إرسال تعليق