سابنا ليه ______________ بقلم الشاعر رمضان عبدالله أحمد

 سابنا ليه

______________

عايزين الشِعر منّا

هاتعملوا إيه بيه

كل اللى شاف أشعارنا

بكى علينا فيه

حَسّ وشاف الآنين

ساب الدموع ف العين

بكى بُكا السنين

ولا أعرف سابنا ليه

"""""""""

هايبقى مؤلم ليكو

لو تسمعوا أشعاري

ياترى هاصعب عليكو

أو يوم هاتطفّوا ناري ؟

لكن لازم ها نكتب

ماحنا مانعرفش نكدب

لو اسكت يبقى أصعب

منها هاتعرفوا أسراري

""""""""""

مش ماشية ساعات الليل

واقف طيفك قصادي

وشايف القلب عليل

بيقول انا جاي ف معادي

واقوله يقرب مني

لكن رده بيألمني

ووقف مكانه مستني

وانا شفت وجوده عادي

""""""

دموعي كمان مش نازلة

باين نشفت في العين

وانتي لحبنا متخازلة

والصبر نجيبه منين

مش حاسه حتى بحالي

ولا بسَهَر الليالي

ولاراضيه تيجي ببالي

ولا بتداوي الآنين

"""""""""

تعالا قوام نتعاهد

نكون حقيقي لبعض

ويبقى الحب شاهد

يزرع في طريقنا الورد

تِخلِص قلوبنا لبعضنا

يتعلموا العشاق مننا

يحكوا حكاية حبنا

ولحكايتنا الكل يساند

_________

بقلم الشاعر رمضان عبدالله أحمد

عرض الرؤى

معدل وصول المنشور: ١٢

١١

تعليقان

أعجبني

تعليق

إرسال