/////////+++سامع خطواتك+++/////////
ولقيتك يا حرفي مولف
وقعك سمعتو مايتكلف
يحضر كيف بغيت مايخلف
داعب موج الكتبة مخفف
يامربع وحدك فوق سطر
امونس القاري وتبشر
والناس تقول لوليف حضر
ياك ف مقامو يجلب ويبهر
ومعايا بلطافتو ياك يجهر
وانا نقسم مانسلم فيه
عقلي خيالي كلهم فيديه
ويحس بيا ياك ونحس به
ياك يبوح ليا ونبوح له
وا كل مافيا له نعطيه
ورفاقتو سييادي مسعداني
صحبتو ياك حاجة مونساني
شلى بحروفة معلماني
بالطاعة يقولوا لي هاني
والناس بحبها مصدقاني
بقلم صقر الحروف الزجال المحجوب بوسبولة
ليست هناك تعليقات:
إرسال تعليق