انت مني الشاعر /إبراهيم شبل

 انت مني

يا قمرة زمانك بسمائي

انت اصلا من ضلوعي

وحزنك سره دموعي

عاوزه تشبعي بغرامي

إن شاء الله تجوعي

اهم حاجه مشاعري

لما للجميع تبوحي

تلاقي نفسك نبضي

وسر الحياة بروحي

تكوني هوا سطوحي

بكيفك تيجي وتروحي

بكلمتك تطيب جروحي

وانت حره من بعيد

بحبي بتنسي الوعيد

والغرام معايا يزيد

يا ست الحسن الفريد

انابحري وقلبك صعيد

تاريخك مجده تليد

بالحب العبد سيد

انت الحسن الوحيد

اللي بحبه أغني وازيد

ونملا الجو بالأغاريد

وربك على الحب شهيد

حرب لا دا للقلبين توحيد

دا النبض ساير بالأثنين

وربنا خلقك من ضلع مين

لازم نكون بالحب متفقين

اصل المحبه شرع ودين

عيش فيا قلب وعين

يا قمرة زمانك المبين

ويا ست كل الحلوين

اعرفي أنا بالأول مين

أدم يا حوا قولي أمين

أنت مني بعمر السنين

الشاعر /إبراهيم شبل

٢٢

١١ مشاركة

أعجبني

تعليق

مشاركة