@ قفل بابه @

 @ قفل بابه @

لا حرف ولا كلمة بعد ما تقفل بابك عني في ساعة حر

ماشي طريق طويل وصلت لغاية عندك بعد طول صبر

أنا حملت متاعي وعشانك اتغربت أرجع بالخير ليك من غير شر

كلي لهفة وشوق ماشي في نهار الحر والعرق مني بيشر

تقابلني بقفل بابك اهو ده بقي الشيء اللي مش ممكن يسر

وانا في الغربة كنت فاتح معايا كلام حلو من كلامك نسيت المر

أتاريك بفعلك كنت مر المر متخدر بكلامك سقتني العسل جواه المر

أبعد عني روح بالسلامة ياحلو الملامح الجمال بيغر

عذابك في يوم راح يصيبك واللي أشتريته راح يبيعك وعليك يمر

ماشي مع حبيب تاني يدلع في هواه وانت تحزن في قلبك وتصر

أجيء علي بالك تجيلي علي بابي هوه ده عندي يوم النصر

أقفل في وشك بابي أعيش مع أحبابي يلا خد خيبتك وأمشي من هنا وجر

عدل السماء موجود ورب الكون عادل والباطل من الحق في يوم راح يفر

راضي السقا

عرض الرؤى

معدل وصول المنشور: ٤١

٥راضي السقا، واحمد حمدي و٣ أشخاص آخرين

٤ تعليقات

أعجبني

تعليق