《 ليش اتخاف 》

 《 ليش اتخاف 》

ليش اتخاف وانته

اداعي ابحقك

وحثالات التبوگ وتسرق العندك

البشر لومات لوعن

عرضه لوماله

وحاكمنه ابچذب ايقشمرك ويوعدك

حكم اقطاع چنه

وياخذ الجزيه

من الاستعمار حطه

وياهو اليسعدك

وهسه جانه تدري وفلش البنيه

ولاقانون عدنه

ايقدر التعبك

حكم القوي عالمغدور تدري وماهو ايحصله

ويلهيك عنه وتالي اليبعدك

ويريدك التنسى ولاتداعي اتكون

وتظل جوعان يعرف محد ايسندك

واحزاب وكتل

تتحالف بهل يوم

وبس الله الك

وتسلم الامرك

وانته اتشوف كلشي

والمن التحچي

ومن يسمع الك يالتحفر ابگبرك

خزينه اتفرهدت عد ناس نشاله

وحرامي ايحب حرامي وكلها الضدك

وكلمن اله حصه والاحزاب اهواي

ويافتوه التجيك

التاكل ابكدك

تعبانين بس بالبوگ

ومن تحچي وتريد الحق

هواي من البشر ضدك

ليش اتخاف وانته اداعي ابحقك

وحثالات التبوك وتسرق التعبك

شعر عارف شلش

الساعدي

العراق بغداد

١١

٦ مشاركات

أعجبني

تعليق

مشاركة