( قصة من العمر )

 ( قصة من العمر )

يوم من أيام عمري بالشباب

عشت بيه وشفت قصة

وردفت اعليه السوالف

وقصه اشوف اباثر قصة

منجبر لوكون حارس وصرت حارس

من نظام العذباني

وابد ماانطاني

فرصة

غيباني وتعباني وگمت اعاني

وذكراني للجعل والگال

حصة

وهسه صارت هالبشر

للعنده حصة

وانه كلشي مالگيت ولالي فرصة

شلون حيتان الاجونه

وكلت كلشي

اصرطت كلشي وماهي تشبع ودول شفت وكلمن الناصبله

شصة

والله فخ الطحنه بيه ومومثل أيوب غصة

وذيچ قصة

وهي هوسه وبيها رقصة

والهرج بين علينه والمرج شبچہ أعلى شبچہ

والأحزاب اتصير خبصة

وهي نفس افكار چانت

ومحتل ايسيرها

هسہ

وعلوة اوسوها

نصة

وخيرنه ينهب بينه وسلب منه

والصوص اهواي جتنه

وصرنه عد مليار قرصة

وثلمونه اوزعونه بکل حلگ عدهم

وكلمن الياخذله

ثلمه وبيها

مصة

جيت اذكركم الماضي

وهاي قصة

الشفت بيها

عيني بين اگبور چفصة

وحده ام لااطفال عدها

وك يتامه الاب شهيد

وانه مرته الي

تخصه

وفلشت وك گبر

ابوھم

وباعت الشباچ ماله بالسباع

ومنزلت التحت

برصه

و گالت البعت مرمر

وبس اعوف الهيكل يخويه

الفوگ گبره ابدون رخصه

وارجع ابنيه من

جديد ونذر عندي

وطلعت أوراق العدها

واثبتت هي

التخصه

وينمسح اسمه

يغاتي بمنطقة عگد الغزالي

وهاي فرصة

أتريد الاتعيش أطفال جوعانه ويتامه

وعمهم الماكل حصصهم وللورث يحبيبي

يعصة

اخ يگبور الرصافه السهره وردي منطقة الشيخ عمر

اشفت بيها شگد قصص

وهي قصة ابأثر

قصة

اوحده وياها يتامه

اتنام مابين الگبور

لااھل عدھا الاشوف

ولاعقل مسكينه والله

وهاالظلم حاولت اوصفة

واحنه ندري باليتم شگال عنه

ابكل كتاب والله

ندري البيه

وصة

وشنهي وصه باليتيم

ولاعلى المجنون من حرج اليكون

والي ماعنده شعور اوشنهي نقصة

واليبيع الكلا وأكثر حتى يشرب يعني ينسى ،،،؟

شلون ينسى

للشخص ومن هو اليبصة

وبعد شحچي والي شذت

وطلعت ابذاك الطريق

واليبيع الشرف منهم

وهي من ذيچ العوايل وكلمن الي عنده طقصة

والضروف اهواي عدنه

وكلشي شفنه

ودمنه احمر وبيه انتاثر مثل دم الحسين البينه يكثر

ولو يجي عاشور

قصة

والله قصة ابد مامرت علينه وقصص بيها ولامثلها وتدري

المامنها قصة

والشمر موجود بعده

وتدري عدة من حكومتنه العميله وندري للامريكان حصة

وانتظرني بعد روحي

راح اشرهم والله وافضحهم ولا

اسكت وشوف للمر

وافحصه

و عالحبل ايه والله واكثر

واكشف السر وبالحچي

واعصرهم انه

واطلع من اعيونه فصة

وكلمن الي عنده چنصة

واحنه المانبقى

نصة

وهاي قصة وبعد اشرح و ارد ادونلك القصةوتنربط قصه أعلى قصه

واتلي قصة

وتجي قصة والله قصة

وابد ماحول الأسود الذاك الأبيض

والأبيض ماسوي اسود

وانه واقع حال الاحچي

بعالي صوتي أعلى المنصة

واخذ مني أعلى المنصة

والسوالف عندي كثره من الشفتهم

والشريف اتشوف حرصة

الهل وطن ومن هو اليگبصة

والطيب الرايد

يخلصة

شعر عارف شلش

الساعدي

العراق بغداد

١١

٦ مشاركات

أعجبني

تعليق

مشاركة