جرح لاول ما يطيب
عيت أخيط الجرح مالم
اداوي بالصبر حيل يالم
نظل بأول جرح نحلم
نلجمه ويفز القلب الهم
النفس من ضاق بي ونه
تراهي هموم الگلب منه
أحب تسولف الناس عنه
لان ذكره يرد الروح فينه
زمان الجان بيه الوفه شَمحلا
المرار البيه بطيب اهلنه محلا
المشاكل لو لفت شكدسهل حلا
لان أهل بيت واحد مو محلا
غريبه الناس ما تفهم من نسلهم
عزاز ونسأل بلا ملل عن نسلهم
يظل الفرح عدهم دوم عساهم
عامره ديارهم و يثمر خير فسلهم
يحادي لو غربت تغريب مرهم
على الي جانوا للجروح مرهم
شهد يحلي المر طيب مرهم
دفين وبا الگلب يضل سرهم
هذاك جان للگلب اول مفتاح
اسولف بي واحس اني مرتاح
اظل انشد عليهم الجاي وراح
كذب منكال تشفه هل الجراح
يظل يدي الجرح من ذكرهم
رهيفه الروح تتبع كل اثرهم
ابد الگلب مانسهم و نكرهم
ما سكن دگه من يوم العرفهم
اسمك بالگلب وشم ابد من شال
من اشوفك صدفه الجسد ينشل
يگول كبرت وگلبك من الود وشل
گبرنه گبرنه و نظل للحب منشل
ليست هناك تعليقات:
إرسال تعليق