بلدنا الحلوة.
ادي بلدنا الحلوة
وادي كمان غنوة
لناس بايعهم الدنيا
تعبانين من نار الشكوى
والهم والحر
بياع الهموم ما بيخلي
لا ست ولا شيخ ولا ولي
بينا يا دنيا حلي
ف بكانا فرحانه تملي
ومش لاقيين حتى الصبر
دايما غنوتنا حزينة
والحظ تملي ناسينا
طب مرة من نفسنا راضينا
وبية عندة قصر ومدينة
وغموس الغلابة قدر
أبكي واية فايدة البكا
راضي طول عمري بالشقا
بحب بلدي واعشق الغلا
ونسيت طعم الظفر
مخبرين و عساكر
وما حد بيجبر خاطر
الرحمة ماتت و المشاعر
حزين أنا الشاعر
وما لاقي عذر
بالحب كلة بيعديها
إحنا مش موجودين فيها
دنيا تعلي ناس وتوطيها
الفرحة من زمان ناسيها
والضحكة بعد الشر
يا سلطة وينك رايحة
وفين القلوب المسامحة
وعيون الظلم فاضحة
والمية الحلوة بقت مالحة
والعسل بقى مر
بلدنا حلوة للي راكبين
وهم وغم للغلابة و الشقيانين
وبكا ف نهار حزين
يا دنيا موديانا على فين
ما فاضلش كتير ف العمر
بلدنا الحلوة...
الشاعر عبدالله رجب ابوعدنان
ليست هناك تعليقات:
إرسال تعليق