عشموني كتير ببكره احمد جاد الله

 عشموني كتير ببكره

وقالوا بكره تحلي

ويبقى أحلى

وفكرت كتير أستنى

بكره

وقلت دى تبقى أحلى فكره

وكل يوم يعدي عليا

التقيه زي انهارده

أرجع أفكر وأقول

يابكره

إنت جاي ولا معندكش

فكره

فكره قالو لي الناس

عليها

وفي يوم يمكن التقيها

وانتظرت كتير

لبكره

وعدى بكره وألف بكره

والعمر راح وعدى

وأصبح ألف ذكرى

وسرحت وفضلت ساكت

أفكر فى يوم يجى بكره

وقلت هو بكره حقيقي

ولا فكره

فكره اخترعوها لجل

مايصبرونا بيها

على إنهاردا وألف

بكره

جايز تتحقق الفكره

وبكره تروق وتحلى

وعشمونا كتير ببكره

وحتى لو يأتي بكره

ما العمر عدى وراح

ومابقتش منتظر

منه بكره

ماعاد لي شىء

أنتظره من بكره

ما كل بكره عدى

في حياتي راح

وعدى وبقى ذكرى

تقول خدت إيه

من الدنيا حتى لو

اتحقق لك بكره

زي مادخلت فيها

زي ما ها تخرج منها

ماعاد لك شىء تسند

عليه ما كله أصبح

فكره وبقى العمر

كله ذكرى

ولا حد عايش

لبكره

ولا حد في يوم هايبقى

ذكرى

كله كان فى الأصل

فكره

فكر فى كل اللي راح

وعدى

مش هاتلاقي حتى

ذكرى

قولي خدت إيه انهارده

يبقى ليه مشغول

ببكره

وانخدعنا بحلم بكره

سراب وكان علي

بالي بس فكره

Ahmed gadallah

عرض الرؤى

معدل وصول المنشور: ٠

٢أنت وAhmed Gadallah

تعليق واحد

أعجبني

تعليق