بأكتب ......... بالدموع ***************** بقلم عادل جاد

 بأكتب ...... بالدموع

*********

ضحيت فى حياتى كتير

ولسة للتضحية أسير

على أهلى وأسلام بغير

قلبى دقاته آهات وأنين

وخدانا يا دنيا لفين

الشيطان ملك وأمير

الأخ لأخوه أنانى وعويل

عمر الشر ما هيهزم الخير

العمر بيجرى ويعدى

الهم ع القلب مش بيهدى

الدنيا مش ماشية بالمقلوب

ده مرض ف القلوب

الأنانية بقيت سمة وعلامة

عاشين حياتنا بوجع وندامة

خلاص ماتت بنا الشهامة

ياعينى عليك ياابن أبويا

وأنت صغير كنت أخويا

دى الوقت عدنا بعاد

مش عارف لحضنك ميعاد

محدش بيحضر لأخرته الزاد

أحنا ف الدنيا بإنهزام

مفيش فينا غير لسان

مفيش عظة ولا علام

الموت بيخد الكبير والغلام

بنقول ليه ساء الحال

دا البشر مع بعض أندال

كبيرهم وسيدهم المال

العلم بيداس بالأقدام

أشهد على حالنا يازمان

خلاص هجرنا القرآن

المسلم مش لدنيه غيور

عن الحق كله نفور

أحل شهادة الزور

بعدنا عن هدى الرسول

عاشين نحصد ذنوب

محدش عايز يتوب

عشان يبقا لربه محبوب

حياتنا نفاق فى نفاق

مفيش للصدقة إنفاق

باكتب حرفى بالدموع

باكتب وقلبى موجوع

مفيش للحق رجوع

أنطفت له كل الشموع

*********

بقلم

عادل جاد

٣سماح الحنفي وشخصان آخران

٣ تعليقات

٧ مشاركات

أعجبني

تعليق

مشاركة