شبابك راح بقلم الشاعر احمد حمدى شمعه

 شبابك راح

بقلم الشاعر احمد حمدى شمعه مصر

رسمت الوشم علي صدرك

غزلت من الحياه أفراح

خلاص حبيت ومن قلبك

عشقت جميله بنت ملاح

كتبت في حسنها همسك

وعشت ف ارضها سواح

جمال العشق في ملامحك

شبه نور النهار وضاح

وصوت الحب من قلبك

كأنه همس طير صداح

كتبت الشعر وبقلمك

صبحت ف وصفها مداح

لا خفت لحظه من زمنك

ولا همك تعيش في جراح

نسيت إن الفراق قدرك

نسيت إن الهوا جراح

شبابك راح وكان أملك

تلاقي حضنها وترتاح

بقلم الشاعر احمد حمدى شمعه

عرض الرؤى

معدل وصول المنشور: ٢٤

٢مقبرة المليونير ودنيا سعد

٣ تعليقات

أعجبني

تعليق