الثلاثاء، 29 يونيو 2021

(وأه م الهوي أه ) خواطر ( أشرف الدغيدي )

 ( وآه م الهوي آه )

لما عيونه ضحكولي في هواهم دوبوني
راحوا عني وسابوني بعد ماشغلوني والليل كله سهروني
ومن سحرهم حيروني واعمل ايه يااهل الغرام أفيدوني
انشغلت بيه واتعودت عليه يارب القاه إدعولي
الليل بيعدي عليا سنين واعمل ايه قولولي
وآااه م الهوي آااه...عقلي معاه تاه
وآه من رمشه جارح
وف ضحكة شفايفه بخيالي سارح
ونسيت اللي فات من عمري كله لغاية امبارح
لما شوفته عرفت معني الحب وعذابه
وانكويت بالحب والشوق وناره
وخدني الحنين لعيونه الحلوين ونسيت انا مين
مش عارف لو تاه مني حبيبي هيوديني لفين
مش قادر أنسي ضحكته وبينهم الّْلُولي صفين
فاتني وراح ومش عارف يااهل الغرام فين القاه
لسه فاكر المكان والزمان ومش قادر انساه
وكل يوم أروح اسأل عليه يمكن تشوفه عيني تاني
ومرت عليا الليالي عذاب ومن دموعي بأعاني
لا الزمان ولا العذاب قدروا ينسوني اللي گان
والمرار اللي انا عايش فيه سرق مني خلاص الأمان
حبيته وكان غصب عني مش بإيدي
عيونه الكحيله خلت حبه بيجري في وريدي
وإيه في ايدي املكه غير صبري علي بعد حبيب زماني
اسهر الليل واحكي معاه والأماني جوايا بتترجاه
وفي احلامي لو غمضت عيني ثواني قدامي القاه
عايش عشانه هو ومش عايش في بعاده
ياريت يبقي قريب مني ويرحمني من خياله
قدري اشوفه واتعلق بيه من غير مااعرف مكانه
وافضل ادور عليه بين البشر وانا في حالة جنون
يمكن يتهني بيه قلبي وتتكحل بيه تاني العيون
واعمل ايه غصب عني لما حبيته وعشقت هواه
وكل ليله من ليالي غيابه بتعذبني سنين وبرضوا باستناه
وكل املي اغمض عيني وافتحها القاه قاعد جمبي
ويفضل في حياتي فرحه وغنوه يتغني بيها قلبي
وانسي عذابي والمي ودمع عيني يصبرني
خواطر (أشرف الدغيدي)
حقوق الملكية محفوظة
قد تكون صورة لـ ‏‏‏شخص واحد‏، ‏حجاب‏‏ و‏نص مفاده '‏وآااه Ù الهوي آااه خواطر أشرف الدغيدي‏'‏‏
فهدالصحراء الجرئ، Ashraf Eldghedy وشخصان آخران
٩ تعليقات
أعجبني
تعليق
في

ليست هناك تعليقات:

إرسال تعليق

الاشتراك في: تعليقات الرسالة (Atom)

شكوى الطبيعة

  شكوى الطبيعة همست ْ بأذن ِالليل ِ أغصان ُالشجر ْ تشكو حنين َ الروض ِ شوقَـَه ُ للقمر ْ والورد بثَّ غرامه ُ متــلهـِّـفا للنور ِ يغمر ُه ُ ...