يوميات صايع/عباس صالح
الحلقة الثالثة والعشرون
----------------------------
رجعت من الشغل تعبان قولت ادخل أوضتى انام شوية لحد ما ماما تحضر لى الغد
صحيت على صوت ماما
ماما/ اصحى يا احمد الغدا جاهز وباباك مستنيك تتغدى معاه
أنا/ غريبة يا ماما بابا يجى من المصنع بدرى ويطلب اتغدى معاه
ماما /قوم اتغدى معاه ليتخانق معاك
أنا / حاضر يا ماما ربنا يستر
مساء الخير يا بابا ازى صحتك
بابا / بومب الحمدلله انت كل واتغذى الجواز محتاج صحة علشان تشرفنا انت موش عاوز تشتغل معايا فى المصنع ليه
أنا قولت الولد ده بكرة يكبر ويشيل عنى
أنا/ بابا انت عارف انا خريج كلية تجارة المصنع محتاج مهندس يصين المكينات أنا شغال مع ملك والحمدلله اتعلمت الشغل وماشى كويس
بابا/لما تشتغل فى مالك احسن لك حتبقى مسيطر وتبقى تاامر و الناس كلها تخدمك
أنا/ مع ملك واخد وضعى
بابا صوته على شوية انا قولتك وانت حر نتكلم فى موضوع الجواز أنا عندى عمارتين العمارة اللى ساكنين فيهادى فى مصر الجديدة اختار اى شقة فيها وانا اشطبها لك سوبر لوكس
ولو عاوز تسكن فى عمارة روكسى قول وانا اوضبها لك
أنا/ أنا عاوز شقة مساحتها 200متر الشقة دور واحد والبلكونة تطل على النيل أنا حاسكن فى عمارة روكسى
ماما/ كده تبعد عنى وتسبنى
أنا / حابعد واروح فين دى روكسى قريبة من مصر الجديدة
ماما/ براحتك يا ابنى
بابا/يبقى حدد الدور اللى حتسكن فيه وانا ابعت لك مهندس الديكور
أنا/ لازم ملك تكون معايا علشان اخد رأيها فى الديكورات
ماما/ أنا عمرى ما باباك خدنى وخد رأى فى حاجة مشفتش الشقة الا لما دخلنا فيها
بابا / أيامنا غير أيامهم احنا كنا دقة قديمة
ماما/ دقةقديمة احنا أيامنا احلى ايام فاكر يا فتحى
بابا / ايام وراحت لحالها
أنا / بعد اذنك يا بابا حاقوم اريح بعد الغدا شوية
بابا / خودنى معاك أنا دماغى تقلت أنا موش قولتك يا ام احمد بلاش تطبخى مسبك
ماما/ هى البامية كده لازم تتسبك
بابا /من بكرة حنطلب نأكل دليفري
ماما/ والله فكرة انا حارمى الفوطة و ارتاح من غسيل المواعين هههههههه
أنا وبابا ضحكنا و بابا قال شوفت يا احمد امك حتتمرد علينا بكرة موش حنقدر نكلمها
---------------------------------------
انتظرونى فى الحلقة القادمه
عباس صالح
ليست هناك تعليقات:
إرسال تعليق