العيد لمين ؟ ـــــــــــــــــــــــــــ بقلم \ عادل شعبان

 حقوق النشر محفوظة

_______؛

العيد لمين ؟

_________؛

العيد لمين ؟

بعد مافات م السنين

اكتر من أربعين

فاتت سنين وراها سنين

وانا بعدك يا امى حزين

لا انا صاحى دارى بروحى

ولا نايم مع النايمين

اشكى لمين واقول يا مين

ويتيم الام ضنين مسكين

ومن فاته حنان أمه

يا ويله من القاسيين

____؛

فاكرك يا امى

وفاكر نظرتك ليا

فرحتك بيا

حتى وانتى ف زعلك

بتقسى عليا .. بس بحنية

فاكرك يا امى

وفاكر خوفك عليا

لهفتك ليا

ولما بوحشك يامة

بتبقى ننى ف عينيا

تبصيلى .. وتدعيلى

قدام عنيكى اكبر

وانتى لسة بتديلى

من روحك اغلى ماعندك

ولا نسيتى تسميلى

لما اتعتر ف طوبة

ولا يطول سواد ليلى

ولما أصبح

ف حزنى سجين

____؛

وروحتى يا امى

جوار ربك

وكان قلبك

بيتلهف عليا

انا حبك

كان نفسى اكون جنبك

ف فرحتى

لما تضحك دنيتى

ولما يبقى زمانى ضنين

ويصيبنى يامة

هم .. أو غمة

وارتاح لما

تضمينى .. تدفينى

تحوشى الدمعة من عينى

وتخليلى

بسمتك قنديل مضويلى

ده بعد حنانك يامة

ماشوفت حنين

________؛

بقلم / عادل شعبان

١٥١٥

٣١ تعليقًا

٣٢ مشاركة

أعجبني

تعليق

مشاركة