Yousry Osman

 

Yousry Osman

حبيبتى غريبه بطبع عجيب

انا دى عليها مالاقى مجيب

تنجّر تسمكر وتعمل طبيب

تظبط محاره تنشف زبيب

كلمة باحبك متعرف تقول

تدق فلافل تدمس لى فول

لوقولت احبك مره إرتجاله

تحول كلامى لبند الاحاله

كإنى ف كتيبه

ماهيه الا ------ صول

-----

تنجد مراتب تلمع صالون

تظبط حواجب تكحل عيون

تشتك ترقع تزيل المبقع

عينى عليه يا اجدع جدع

ورتنى البدع وخايف اخون

ياريتها عويله

مش ابله فضيله

وتفضى عشانى

عشان نبقوا عيله

فى عز الهنا

تقولى ثوانى

اقول دى حاتعمل

مفاجأه عشانى

لقيت نفسى خيبت

بتخرط ف لفت

بتعمل مخلل

بقت عيشتى زفت

---

حبيبتى حاقرر ابيعها بلاش

دى حنضل ممرر

يابخت اللى عاش

ف لازم ادلت او اعمل سلاش

يإما أفلِّت واطلع معاش

حابيعك واشتري مخده

ناعمه وإنتي بقي حاده

وانا.م وافرد علي الآخر

ماقولش لحد أتاخر

واصحي لماتكاكي البطه

ولا عيون مليانه بالشطه

و قايده شرار تولع نار

ولا اتداري في ولاحته

ياستي كل دا علي ايه

دا كلك كدب واونطه

مخده تانيه واحضنها

حاتبقي مسبله عيونها

ولا تشكي ف يوم م الحر

اعطرها واكويها واغسلها

ولا ادادي ف بوز الفقر

واطلع من ملامه ل قر

واعيش باقي حياتي حر

ولا كلوا ولادمل ولا سنطه

فعلا إبن حنته

عرض الرؤى

معدل وصول المنشور: ٠

١دنيا سعد

تعليق واحد

أعجبني

تعليق