الاثنين، 1 أبريل 2024

 أغنية طلعوا ما يستهلوش

أدهم عبده مجلى
أدهم العوضى
★★★★★
عايشين بندور على روحنا
تاعبانا الدنيا و لا ارتحنا
من كتر ما لفت كده بينا
واتارينا فى عذاب كده حابينه
تملى لنا فى كاس كده شاربينه
ليه بس يا دنيا ما تنسينا
★*★*★*★
اللى قلت عليهم ناسي
كانوا فى حياتى اكيد واساسي
طلعوا ما يستهلوش ولا حاجه
طلعوا ما يستهلوش إخلاصي
دايما نشكي من اللى جرالنا
ونقول ليه مكشوفه اسرارنا
وندور على اي اعذار
واحنا معاها و فيها عايشين
مهما بنعمل مش سالكين
حظنا فيها عذاب او نار
واتارينا فى عذاب كده حابينه
تملى لنا فى كاس كده شاربينه
ليه بس يا دنيا ما تنسينا
★*★*★*★
واللى قلت عليه ده حبيبي
لو فيه جرح هيبقا نصيبي
سابني وراح من غير ما يقولي
واما عاتبته قال ده نصيبي
ليه الدنيا ما فيها شئ ثابت
لوكات عاليه ماكانت إتسابت
وإحنا ما عارفين ليها آمان
حالها عجيب دايما بيحير
حبل ودادها دايب وقصير
والمتشعلق فيه غرقان
واتارينا فى عذاب كده حابينه
تملى لنا فى كاس كده شاربينه
ليه بس يا دنيا ما تنسينا
★*★*★*★
يا اللى الدنيا معاكوا بتبقا
حلوه وترسم احلى بداية
هى دليلكوا ودايما سايقه
وانتوا وراها رايحين لنهاية
عيشوا حياتكم بقا وانسوها
لو يوم وقفت عدوا فوتوها
خلوا دليلكم رب الكون
اصل الدنيا زايلة وفانية
ماسكين فيها واسمها دنية
والله ما تسوى مهما يكون
واتارينا فى عذاب كده حابينه
تملى لنا فى كاس كده شاربينه
ليه بس يا دنيا ما تنسينا
عايشين بندور على روحنا
تاعبانا الدنيا ولا ارتحنا
من كتر ما لفت كده بينا
★★★★★
أدهم عبده مجلى
أدهم العوضى
كل التفاعلات:
ارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

شكوى الطبيعة

  شكوى الطبيعة همست ْ بأذن ِالليل ِ أغصان ُالشجر ْ تشكو حنين َ الروض ِ شوقَـَه ُ للقمر ْ والورد بثَّ غرامه ُ متــلهـِّـفا للنور ِ يغمر ُه ُ ...