=== شارع خليل حمادة ==
---------------------------
العيد بيضحك عليهم
بلبسهم الجديد
اطفالنا والعيدية
بيبصوا لينا نكبر
ونحلم بالطفولة
وننبش فى اللى فات
فى اول الرجولة
ما احنا كنا صغير ين
احلامنا لسه ساكنة
فى شارع خليل حمادة
وابو العباس زمان
اطفالنا مهما تكبر
احنا صغيرين كمان
نجرى فى حضن الشوارع
ونحضن ذكريات
اغانينا لسه هى هية
مركونة فى كل دار
طالة من نور عينيهم
عاملة حلقة وزار
آه لو يرجع عمرى تانى
كنت ارقص فى الميدان
وانده ولاد حارتنا
اللى خالوا قلبى شاب
راحوا وساب زمانهم
وسابونا الذكريات
بتدمع ليه عيوننا
لما نحلم باللى فات
عمر اللى فات ما يرجع
مهما نادينا ما يسمع
اولادنا يجروا بعجلهم
يسبقوا عمر جالهم
وياخدوا العيديات
يضحك ما ضينا لما
يضحكوا فى وش البنات
=============محمد عبد المقصود داود
ليست هناك تعليقات:
إرسال تعليق