عليها العين

 عليها العين

مهما اشوف او عيني يحلالها

مش هشوف اوصاف ف جمالها

لو هاطوف الدنيا بحالها

استحالة يكون ف دلالها

او فيه منه يا ناس اتنين

قلبي مال ف الهوى غنالها

ليلي طال والروح رايحالها

شئ محال ان أنكر خيرها

او حياتي أعيشها لغيرها

عشقه ساكن ضي العين

جنتي وعيونها دي حورها

زال سواد العمر بنورها

جه لروحي وخضر بورها

خلي فيها تغني طيورها

بعد جرح ونوح وانين

قول يا عمري بحبك قولها

قول كمان والمايله اعدلها

ياللي بيك النجمه ف ليلها

مهما عليت أيدي بطولها

كل صعب معاك بيلين

ياللي بيك رجعت من تاني

الحياه والروح لزماني

ياللي قلبك دق عشاني

خدت عمري وكل كياني

عاشقك انت ما بين ملايين

بقلمي/ خالد جمال ١٦/٤/٢٠٢٤

عرض الرؤى

معدل وصول المنشور: ١٧

كل التفاعلات:

٢ارق ملاك وشخص آخر