الجنة
من غير ناس ماتنداس
والحياة
من غيرصحبة ماتنعاش
والايام
والليالي
من غيرنديم وسمير ماتنفعش
والقلب
أن ماكنش له حبيب
يبقى عن النفع عديم
والعيون
أن ماشافتش الحلوين
ماتبقاش للروح خير معين
والدهر
أن مالوش خل مخلص وأمين
يبقى مالوش امان
والأوقات
من غيرصديق وفي ومعين
تبقى فالصو زيي الانتيكات
الإنسان
لوحده مايقدرش يعيش
عايز مين يساعده
ويكون له اخ وصديق
يحفظ سره
يفرح لفرحه
ويزعل لحزنه
الوحدة
صعبة ومره
والدنيا من غير ناس
تبقى زفت بالمرة
عارف البديوي
ليست هناك تعليقات:
إرسال تعليق