======-- لسه الشوارع والشجر بيوشوشوا بعض
^^^^^^^^^^^^^^^^^^^^^^^^^^^^^^^^^^^^^^
لسه الشوارع والشجر بيوشوشوا بعض
وبيسالوا ليه انا وحبيبتى بيننا بعد
كنا الونس للعصافير والقمر
وكان ما بيننا دردشة
وساعات وشوشة
البيوت كات للحسابات والعشا
انتى اللى كات نظرة عينيكى فيها خشى
لما ايدى تلمس ايديكى فى المسا
البراءة كانت حدودنا
لما كان الحب بيحمى وجودنا
كان الحلم ستر وغطا
لما كان الشوق بيمد ايده بالعطا
لما كان الشجر بيرمى ورده لحضن ارض
كان حبنا فرض
لما كانت البيوت والشجر بيحضنوا بعض
لما كان بينا هدف
اوعى تقولى لقا نا صدف
كنت شاعر ان قلبك على قلبى انحدف
وان الحزن فى شراينى نشف
كان نفسى ساعتها اعترف
انك بداية عمرى
وان اسمك فى بطاقتى انكتب
من غير اختام او رتب
من غير تقليد وظروف عجب
لا كذب ولا غضب
ولا ناخد عزا الفرحة الاخير
نمشى فى دني العشاق
من غير بطاقة او هواية
لما كان حب بيننا هو القضية
----------------------------محمد عبد المقصود داود --------
ليست هناك تعليقات:
إرسال تعليق