=======—مين منتظر مين
**************************************************
مين منتظر مين ؟
ياترى
كل يوم النجوم واقفة متحيره
مش ناوى للظروف يركع
ولا يستكين
مين منتظر مين
الشجر من يومها واقف
فى ايده ظله
وانا فى ايدى منين
لا همسة تسند فى شوقى
ولا كلمة تبل ريق حزين
الكف م البرد فيها رعشة
والدفا بعد الفراق ودانه طرشه
والحزن عامل فى القلب ورشه
مين ينتظر مين؟
عصافير بعد ما غنت هدمت عشه
كنتى فى الدنيا
بالنسبة لى اخر قشه
مين ينتظر مين
افترقنا وكل واحد شاف له ممشى
خلص الكلام
والصمت صار عنوان
والجرح وسط الجروح شاف مكان
وجع الندم مش انسان
بيرجع لورا
ويسيب حاجات متكسرة
حلم جميل وانقضى
قصة من غير لقا ولا فضفضه
مين ينتظر مين يا ترى
-------------------------- محمد عبد المقصود داود
ليست هناك تعليقات:
إرسال تعليق