أقولك ايه

 أقولك ايه

عن الأسعار ياام عيالي

نار مولعة بتحرق اعصابي

وبتخلي المعاش فعلا ماعاش

نزلة واحدة او نزلتين عالاسواق

بيبقى المعاش بخبر كان

يتبخر ويطير لايدين التجار

اللي حالفين يمين بالله

يحوشوا الفلوس ويخلصوها من الزبون ويمصوا دمه

شعارهم بالحياة

اللي مامعوش مايلزموش

المهم انهم يرتاحوا وتبقى جيوبهم عمرانه بالالوفات

وبرمضان الخير

التجار ينيموا ضمايرهم نومة طويلة 30 يوم

ويرفعوا الاسعار بشكل جنان

والموظف ياحرام يمضي رمضان وهو بس بيبص عالمأكولات ويتفرج عالخضراوات من بعيد لبعيد

مايقدرش يقرب خايف يتحرق بالاسعار

وتشعل بجيوبه النار

الرحمة خلاص ماتت

من قلوب كتير من الناس

وبكل اسف شديد

هناك نسبة كبيرة من التجار فجار مش كلهم

فيهم بعض منه لسه قلبه رهيف يحن عالغلبان

بس ياخسارة نسبتهم قليلة قوي مايتعدوش صوابع الايد الواحدة

مسكين يابو العيال هاتجيب فلوس منين

وياويلك ان سألت البياع يخفض شوية من الاسعار

يكون جوابه ان اكلت او عنك ماتكلش

عارف البديوي

عرض الرؤى

معدل وصول المنشور: ١١

كل التفاعلات:

٢Tghred Ahmad وEsteer Hanna

تعليقان

أعجبني

تعليق

إرسال