* * *لقيتني * * *
للشاعر /صابر الشناوي
لقيتني بتلفلف حنين
جوا قلب بوسع
قول الكون دا كله
بلقى تحت رموشها ضله
وف أساوه الدنيا دايما
ألقى بين أحضانها جنه
جوا نن عنيها بسرح
أجري وأفرح وأما حتي
الليل يليل تبقى نجمه
وألقي روحها جنب
قلبي زي ضله
كنت بسمع في الغناوي
عن حكاوي العاشقين
كنت بتمنى الحنين
بس ما كنتش مصدق
إن فيه في الدنيا لسه
قلب أوسع من براح
الكون دا كله زي قلبك
عرفت إن الصبر فيا
كان بيحلم يوم يقابلك
وإن قلبي كان تملي
شوقه أكبر من قلوب
كل اللي شافهم
أو عرفهم قبل منك
كنت بكتب م الخيال
كنت دايما أحس حلمي
شيئ محال
إن أللاقي عقل أكبر
يحس بيا وبإشتياقي
وتحضن العمر اللي باقي
بتسابقني قبل ما ينطق
لساني تبقى قاريه
كل شيئ فيه بفكر
تبقى أعقل من جناني
وتبقى أقوى من حناني
تبقى بحر يغرق عنفواني
تبقى شط يضم أكتر
لقيتها ليا جزيره هاديه
بين إديا ورده ناديه
قمر في كل الليالي
أحب دايما معاها أسهر
نسمه هاديه لون خدودها
تملي وردي
والقوام قول غزال
قول فيه كل اللي تقدر
وأما يغلبني النعاس
كنت أدوق شفايفها أسكر
وألقاني بتلفلف حنين
جوا قلب بوسع قول
الكون دا كله ويمكن أكبر
ليست هناك تعليقات:
إرسال تعليق