عشقتك
من بين حروف الكلام
حبيت انا اسمك
ومن بين كل النساء
عشقت انا رسمك
وهويت انا همسك
وبين همسك وبين رسمك
حيران انا بين الأتنين
وصفوني في الغرام
شاطر
ويوم ما شوفتك وعرفتك
لا كان علي البال ولا
الخاطر
قلبي انسرق من في الماضي
وفي الحاضر
ووقعت في شر أعمالي
في حب جديد خلاني
كرهت الماضي والحاضر
في ناس صنعتها ملاغية
وناصبة للغرام غيه
وبين اللحظة و التانية
ياما طيور كتير طبت
وقلوب كتير للحداية حبت
كانت فكراها كنارية
يا بومة و مستخبية
عشقتك وياريتني ما عشقتك
ولا عشقت كل شيئ فيكي
عشقت الغية و غناويكي
ومش ندمان ولا زعلان
وبدعي. ربي ليلاتي وانا فرحان
انه يخرجني من الغية
يا عيون كدابة و شقية
يا ملاغية ولعبية
وناصبة للغرام غية
بقلم
احمد. محمود
من ديوان بنا حروف
ليست هناك تعليقات:
إرسال تعليق