مجلة نداء الرؤح لفرسان الكلمات

 نُصّك التانى بقلم أحمد شاهين

تَخيّل نُصّك التانى

عايش زيّك وبيعانى

تِعبت وانت بتِدورّ

وهو برضُه بيدوّر

ولا لقِيته ولا لقانى

بتحلم بيه ويحلم بيك

وتستناه ومستنيك

وبيشوف الحياه بعينيك

مالوش غيرك حبيب تانى

تعِبت وانت بتدورّ

وهو برضُه بيدورّ

ولا لقِيته ولا لقانى

تدوّر فى عيون الناس

وتاخدّك نوه م الإحساس

تتوه فيها تعِبت خلاص

لإمتى هتبقى وحدانى

تعِبت وانت بتدورّ

وهو برضُه بيدورّ

ولا لقِيته ولا لقانى

هنتلاقى واقابله فى يوم

واورّيِه صِورّه فى الألبوم

وضِحكِتنا تعيش وتدوم

ويسكُن جوه أحضانى

تعِبت وانت بتِدورّ

وهو برضه بيدورّ

ولا لقيته ولا لقانى

تخيّل

نُصك

التانى

كلمات أحمد شاهين

عرض الرؤى

معدل وصول المنشور: ٤٣

كل التفاعلات:

٥محسن عبدالمعطي عبدربه، وارق ملاك و٣ أشخاص آخرين