كنت فاكر حبي ليك احمد صبري

 كنت فاكر حبي ليك

والليالي اللي فيه

واني لسه أولى بيك

حضني متعود عليه

كنت لسه مشتريك

واللي بينا باحن ليه

بس كنت خسارة فيك

قلبي شالك من عينيه

كنت باحلم م البداية

يبقى قلبك بين ايديا

حلمي كان أجمل حكاية

قلبك استخسرها فيا

ليه معايا و النهاية

جاية شيفاها عينيا

هامشي وما ابصش ورايا

وانت ماتبصش عليا

غصب عني مش مسامحك

وانت منك ل الليالي

انت عايز حد شبهك

انت امتى كنت غالي

بكره تتعذب ب جرحك

مين بغدرك يبقى عالي

بعد اللي جرالي منك

هبعترك وهالم حالي

ياللي حبك كان كلام

كل ظلمك ليا باقي

هامشي من غير السلام

ياللي مستعجل فراقي

لما حافتكر الالام

حانسى احساسي واشواقي

للي كان بياع غرام

واللي بيلف ف سواقي

لف دور على اي حد

وانت عندك الف لون

خد هزار اقلب بجد

اللي زيك مش مضمون

قبل مني ولا بعد

ندل و حاتفضل تخون

كل سكة هتلاقي سد

لحد ما تعد النجوم

الكلام عارف نهايته

وغلطي كله حاصلحو

كل واحد ليه حكايته

يا تتعبو يا تريحو

قلبي طيب من بدايته

محتاج ل قلب يريحو

قلبي ح يلاقي حبيبته

تنهي حزنه وتفرحو

كنت باحلم

احمد صبري

كل التفاعلات:

٤الشاعر احمد صبري و٣ أشخاص آخرين